第一次追住立會選舉黎睇,真係好鬼死正~ 不枉我狂追通宵. 

不過,點解今次數腳毛數得咁慢ga!!搞到我追到7點幾差d頂唔順....睇唔到狄志遠點樣喊住走.

*菜菜子收皮~睇見憎肉成喊咁口,簡直大快人心.(其實佢心痛派晒d月餅ja)
  淫建聯真係鐵票到爆炸,頂你個肺!!
  陳克勤講咩20~30世代政綱,擺明20~30世代d票去晒社民連啦,收皮啦你.
  講真,睇論壇佢又「唔夠長毛黎」,家陣仲要「er..er..er...try our breast」,擺明係議會只係做投票機器.
  仲有個乜鬼李慧琼,又係一個鐵票製造ge野.....正一死乜咩.

*富貴黨收皮~真係忍夠田二少同周梁d死人咀面,但係開始又覺得田大少好得意(起碼有風度先).
  富貴黨今勻真係苦過dee,冇左中央祝福,又輸埋民意,左唔左右唔右,真係夾正係中間.
  明顯家陣全香港都憎人富貴ga啦,好心快手歸依泛民啦,唔係下屆真係一票都冇.

*何ee重返議會~見佢誠懇咁謝票,真係心滿意足.不枉我神聖一票俾左你.
  希望佢同tanya政綱都有提重建&保育工作,真係開心.

*不得不提長毛~「用幾百萬買兩個位,早抖啦」一個字講晒~爽~
  最可惜陶君行入唔到,如果唔係就可以100%全入(我從來都當ah牛輸梗,所以冇計佢數....)
  好心下次就黎港島選啦,隨時可以一野隊爆憎肉成都似(都係幻想吓姐~)社民連果然厲害!!
  希望下次會有更多類似政黨出現,可以真正百花齊放.(睇而家個勢,真係激進必勝~)
  更加值得一提的係,社民連加上網絡(youtube&高登)的影響力實在值得好好研究.(有人更話佢地係其他政黨的死亡軍團)

*另一大黨公文袋就真係太睇得起自己啦,最後輸到爭d乜差都冇.
  不過,真係時也命也.毛孟靜都唔知衰d乜,竟然輸俾梁美芬.雖則話梁美芬暗啞有人祝福,不過毛孟靜立場唔夠點爭?
  余若薇差dd收山(不過我覺得其實佢係想承機收山的),張超雄更加唔駛講,根本就冇料玩直選,返去社福界玩咪好囉.
  好心,以後唔好再拎陳太出黎拉票啦....有料ge,好心就自己去搵票源~

*民主黨今次真係大乜獲.
  係我睇黎係泛民大勝,但全部都唔係民主黨的功勞,只係其他泛民各有各好先搞得掂.
冇錯,我係話泛民大勝,而唔係傳媒所謂的建制大勝!!

以港島為例,(唔計獨立) 泛民的何秀蘭30,887票+甘乃威39,808票+曾健成10,202票+陳淑莊82,600票=163,497票 建制的林翠蓮2,166票+曾鈺成60,417票+葉劉淑儀61,073票=123,656票. 咁樣一睇,仲唔係泛民贏???可惜,真正民主黨的甘乃威只係得泛民24%的票,仲唔係輸晒?! 從另一選區去睇,所謂誕生票王劉江華的新界東,(唔計獨立) 泛民的劉慧卿33,205票+黃成智44,174票+梁國雄44,763票+鄭家富41,931票+湯家驊39,957票=204,030票 建制的田北俊28,875票+劉江華102,434票=131,309票(加埋隱形建制龐愛蘭的20,455票,都只係151,764票) 由以上數字睇黎, 1)根本建制派就冇大勝過!!反而係輸到一落千丈. 2)淫賤聯只係贏左民主黨呢隻冇牙老虎,唔係贏左泛民 2)民主黨仲死撐話團結泛民喎,收皮啦.自己吊緊鹽水仲認叻... 又搬個投票率低出黎擋,真係冇品到爆.*最後一樣,好期待邊條友做立會主席~ (幻想中)如果長毛or毓民做的話...........