(接上文)
到底發生咩事呢?

上回提到話「明明打好晒,唔小心high到個f1制就乜x^&z@都冇左晒」
火乜x^&z@滾之後,居然發現有大大篇草稿係到.
oh~多謝各路神明保佑!!!
話就話「遇神殺神,遇佛殺佛」,其實都係呃飯食ja.
試問邊有咁本事呀....唔該大家放條生路黎行.
篇entry我改左做「遇廁紙殺廁紙,遇底褲殺底褲」,
全部都係冇生命..冇犯十戒又冇殺生,更加冇佔政治方便!!ok啦吓話?

入正題!!~

一個月前生活聊無
每日訓覺十幾個鐘,再用幾個鐘上網睇漫畫、出街睇戲、cafe睇書,
再臭寸一d可以係晏就拎起本書同相機就係灣仔公園同ah伯吹水、睇佢地捉棋、一齊煲煙.
甚至觀察研究「南亞裔小朋友與本地小朋友玩遊樂設施的分別」,
加加埋埋食飯(基本上一起身已經係下午茶)同屙屎,咁就一日.

一個月後今日,
每日訓覺五、六個鐘,全職工作、半職讀書、兼職教班,
加埋soc的工作,就咁一日.
(嗯,如果有朝係返學可以遲少少七點半起身已經好開心)

生活所謂充實,
其實不外於神早流流迫地鐵,苦練出一身搶位絕技.
(可惜隔離位唔係臭寸ah婆就係核突ah叔,點解d靚靚OL永遠唔係坐我隔離?!)
放工就用頭身手拖住腰部以下的位置,行足三五個字路程但求舒服d有命返到屋企.

生活模式由極爽、極hea一下子轉變成極攰、極忙.
以往google rss reader早有遠見地實行日日清,
但係而家累積的entry不斷勇創新高,最新數字係600幾個未讀的entry.
最諷刺地方莫過於工作上每日都要用一兩個鐘去睇、搵同"目及"blog.
(哇,原來真係會睇唔明而家d十幾歲姐姐仔、哥哥仔d野ga!!枉我仲以為自己好young tim)
無錯,我其中一項工作內容就係睇blog!!
完全都係因為「撒Y利亞防止X殺會推出了新服務，主動搜尋那些在網誌上誓言要X殺的人」
真係只能夠用可以講「尋尋覓覓冷冷清清淒淒慘慘戚戚」.....
(大佬,睇開的blog都係熱血老中青年講社會,而家睇d「禾金日界 手手,感覺巧正」...真係好唔憤)

同原先的工作期望有極大出入.
難聽d講,簡直好似燃燒緊青春小鳥咁.(ok啦,我知道我果隻都唔係小鳥)
mirco skill學不到幾多,同大世界的macro好似又有點兒脫節.
oh 點算好.............
加上唔知點解總唔係好想同同事混熟,
總係寧願自己出去食飯,食完坐係公園同ah伯對望.
(乜唔同同事食飯真係好有問題咩?!我真係唔係好明白點解....)

至於所謂上堂已經完全變左「總之出現左、交左野.....你唔好搞我」
soc的活動更加有點兒「為做而做、為捱而推」
天呀!!咁樣ge生活同一條(好在有糧出的)咸魚有乜分別?!

好!!!殺殺殺殺殺殺殺!!!
要訂番d目標俾自己先得!!!
青春鳳凰(哇~個名好鬼型)真係要死的話,都要死得有價值d先得!!!!